15.04.2010

Павел Худяков билан яна бир лойиха

        Куни кеча Москва шахридаги киностудияларнинг бирида Шахзоданинг «Люблю Тебя» қўшиғига клип суратга олиш ишлари якунланди. Қизиқ воқеаларга бой, янги йўналишдаги ва янги модерн туридаги клипни Россиялик машхур режиссер Худяков суратга олди. У Томас Андерс, Snoop Dogg, Busta Rhymesларга шунингдек, аввалги Шахзода ва Смэш дуэти “Между небом и землей” қўшиғига хам клип суратга олган.
       Операторликни эса Россиялик машхур Максим Осадчий ўз зиммасига олди. У “9 рота”, 2009 йилнинг энг шов-шувли лойихаси бўлган “Обитаемый остров” , “Обитаемый остров: Схватка” фильмларида операторлик қилган. Шунингдек «Жара», «Вдох-выдох», «Президент и его внучка» фильмларида хам операторлик махорати билан машхурликка эришган.
       Мазкур клипда Шахзода барча трюкларни ўзи ижро қилди.

   Клип хақида репортажни яқин кунлар МузТВ, РуТВ, МТВ ва бошқа Россия телеканалларида кўришингиз мумкин.